Von außen schaut’s aus wie a ganz normales Planenzelt – aba in da Nacht, wenn der Schriftzug „Spezllei“ in warmen Liacht erstrallt, kriagt’s sei ganz eigne Stimmung. Drinna is des Zelt mit Holzbod’n und Planen im Hüttenstil eingerichtet und mit vui Liab zum Detail gestaltet. So wird aus am einfachen Zelt a richtig gmiatliche Stub’n, die den kloana Wiesnzelten auf`m Oktoberfest nix nachsteht.

Am Festdog, immer der 1. Wiesnsamstag gibt’s selbst gemachte Brotzeitbrettl und a gscheids Essen vom regionalen Metzger. Und des Wichtigste überhaupt: A guads frisches Fassbier für an anständign Durst! Da Usetaller Spizbua sorgt mit seiner Musik anfangs für a gmiatliche Stimmung und späda für a Mordsgaudi – do wird g’schunkelt, g’sunga und tanzt. Und für unsere Kloan is a bestens g’sorgt: Hüpfburg, Luftballons und vui andern Spaß.

Aber leider mias ma eich song: Des is a private Veranstaltung – d’Teilnahme is nur mit persönlicher Einladung möglich.